換傢俬

諗咗好多年, 終於決定今年將個房一半傢俬換新, 曾經留意二手傢俬, 但係尺寸高度都唔合心水, 唯有去實惠. 同樣一個衣櫃, 一個HK25xx , 一個HK46xx , 有咩唔同?! 貴嗰個實淨尐?!  平價背板唔係一塊厚木板, 只係薄薄一塊, 咁我掛衫啫, 買個平吧..... 反而我較注重個五筒櫃, 雖然同個平價衣櫃差不多價, 但因為要經常拉出拉入, 油壓式便利好多,耐用尐.

換咗個層架連工作台, 咩書櫃書枱型只係好睇但完全唔啱我用, 我太多雜物, 基本上層架最啱我用......哈哈....

我對住要求好簡單, 屋企殘殘舊舊咁又點, 唔漏水唔爆渠就得勒. 大裝修就算有錢我都唔會做, 要收拾整理打包所有屋內什物簡直係攞我命三千....=.=